Gagauzlar, ortodoks kalendarinä görä büün, Büük ayın 14-dä, Eskiycä Eni yıl yortusunu bakêrlar. Bu yortuya bizdä “Çıbık günü” (“Surva”) deerlär.
“Çıbık günü”nä (“Surva”ya) karşı, Büük ayın 13-dä, gagauz küülerindä “Hêy-hêy” gününü bakêrlar. “Hêy-hêy”da uşaklar (şindi büüklär dä), evdän-evä gezip, “Hêy-hêy” söleerlär hem ev saabilerini Yıl başı yortularınnan kutlêêrlar.
Büük ayın 14 gecesi “rakıcılar” “Rakıylan gezeerlär” da en yakınnarını –nunalarını, ana-boba dostlarını, soy-senseleyi – ikramnêêrlar. Sabaalän dä, açan aydınnanêr, en küçük uşaklar “Surva” gezerlär: kızçazlar – “Survaklinţa” ellerindä, çoccaklar – fışakan yada çıbık ellerindä. Onuştan da bu günä “Çıbık günü” deniler.
Hepsimizi kutlêêrız bu gözäl yortularlan hem dileriz saalık hem uzun ömür!
Saalık Allaa versin!