Büük ayın 10-da Komrat Kultura evindä geçti “Kolada adetleri – 2025” festivali, angısını, Kaul-Komrat Eparhiyasının yardmınnan ortak, hazırladılar Gagauziyanın üüredicilik hem kultura Upravleniyaları. Bu festival adandı Yıl Başı yortularına: Koladaya, “Hêy-hêy” hem “Çıbık günü” (“Surva”) yortularına.
Bu yıl “Koladı adetleri” festivalindä pay aldılar folklor ansamblileri hem Gagauziyanın üüredicilik kuruluşlarından insannar.
Kutlamak hem selemnemäk sözlerinnän “Kolada adetleri – 2025” festivalinä katılannara danıştılar Gagauziya üüredicilik Upravleniyasının başı Natalya KRİSTEVA hem Gagauziya kultura Upravleniyasının başı Marina SEMÖNOVA.
Sora, sțenadan, gagauzların hem tarafımızın Yıl Başı, Kolada, “Hêy-hêy” hem “Çıbık günü” (“Surva”) adetlerimiz için annattılar hem o adetleri gösterdilär: “Gagauz Dernää” folklor ansamblisi; “Düz Ava” örnekli türkü hem oyun halk ansamblisi; “Tomay sesi” folklor ansamblisi; Aydar küüyün “Födor Angeli” gimnaziyasının üürencileri; Başküüyün (Kirsova) “Mihail Tanasoglu” gimnaziyasının üürencileri; Çadır kasabasının “Bucak kızları” folklor kolektivı hem “Allegro” vokal studiyası, “Mihail Çakir” hem “Mihail Guboglu” teoretik lițeylerin koladacıları; Dizgincä küüyün klisä şkolasının kolektivı hem Ayoz Troiţa klisesi türkücüleri; Kazayak küüyün “Sevda” folklor ansamblisi hem “Duygum” halk instrumentleri ansamblisi; Kıpçak küüyün “Semön Baranovskiy” teoretik liţeyin üürencileri; Kırlannar küüyün “İlya Sınku” gimnaziyasının koladacıları; Komrat Kultura evin “Bürüncük” teatru kolektivı; Kongaz küüyün “Altın Çöşmä” oyun ansamblisinin koladacıları hem “Taraf” halk muzıka orkestrası, “Cızdırık” teatru kolektivı, “Nikolay Çebanov” hem “Varvara Topal” gimnaziyaların koladacıları, “Suleyman Demirel” moldo-türk teoretik lițeyin hem “Todur Zanet” teoretik lițeyin üürencileri; Svetlıy küüyün gimnaziyasının üürencileri; Valkaneş kasabasının “Yıldızlar” halk oyun ansamblisi.
Bu unudulmaz “Kolada adetleri – 2025” festivali akıldan silinmesin deyni, onda payalannara hepsinä Diplomnar, Metinnik belgeleri hem baaşışlar verildi.