Moldova kuvetleri açıkladılar, ani Gagauziya Başkankasını Evgeniya GUȚULun Baba Marta ayın 25-dä Kişinev aeroportunda tutuklanmasının sebepi – Canabisinin Moldovadan kaçmasıymış.
Aeroportta da, o gündän beeri olan sudlarda da Gagauziya Başkankasını Evgeniya GUȚUL diil bir kerä açıkladı, ani Moldovadan kaçmaa hiç bir neeri yok. Çünkü onun kaçması Moldova kuvetlerin dermeninä su dökecek, verip kolayını Gagauziyada eni Başkan seçimneri yapılsın.
Çiçek ayın (aprel) 1-dä olan sudtan çıkarkana da Gagauziya Başkankasını Evgeniya GUȚUL genä açıkladı: “Benim aklıma bilä gelmedi memlekettän kaçmaa, benim gagauz halkımı
kendi başına brakmaa. Kaçıp memlekettän, bän göstereceydim, ani Başkan mandatından atılêrım. Bän mandatımdan atılmam! Taa ötää dä Gagauziya avtonomiyasının faydasına izmet edecäm hem işleyecäm!”
