Hederlez ayın 14-dä Valkaneş kasabasının Uşak yaratmaları Evindä açıldı bir sergi, ani annadêr “Gagauz Halkı” milli akıntısının kurulmasının 30-cu yıldönümü için.
Sergi açıldı Gagauziyanın M.Maruneviç Bilim Merkezin çalışmalarınnan, maasuz 2019-cu yılın Hederlez ayın 21-dä olacek “1989-cu yılın Hederlez ayın 21-dä olan Gagauz Halkı” milli akıntısının ilk syezdına” halklararası bilim-praktika konferențiyasına karşı.
Burada sergili dokementlar hem patretlär, ani annadêrlar ozamankı vakıtları hem o insannarı, ani gagauzların devletlii için bütün üreklän hem açık güüslän kalktıydılar.
“Gagauz Halkı” milli akıntısının ilk syezdı oldu 1989-cu yılın Hederlez ayın 21-dä, neredä Dimitriy SAVASTİNın kurduu diskusiya klubu milli akıntıya dönderildi.
“Gagauz Halkı” milli akıntısının çalışmalarınnan 1989-cu yılın Kasımın 12-dä kuruldu Moldova içindä Gagauz avtonom Sovet Soțialist Respublikası, sora da, 1990-cu yılın Harman ayın 19-da, kuruldu Gagauz Respublikası.
Foto: gbm.md
