Çiçek ayın 23-dä Türkiye “Çiçek ayın 23-çü milli baamsızlık hem Uşaklar yortusu” (“23 Nisan Ulusal Egemenlik ve Çocuk Bayramı”) baktı.
Bu yortuya Gagauziyadan birkaç ansamblinin artistleri dä katıldılar. TİKAnın yardımınnan Türkiyenin Samsun kasabasında olan şenniklerä katıldı Kongazın “Altın Çöşmä” uşak oyun ansamblisinin artistleri. Çok Maydan küüyündän “Bucaan uşakları” uşak ansamblisi Edirne kasabasının, Komrat “Düz Ava” ansamblisinin hazırlanmak grupanın artistleri da Çorlu kasabasında şenniklerdä pay aldılar.
“23 Nisan Ulusal Egemenlik ve Çocuk Bayramı” günündä Türkiye Kişinev Büükelçilii dä kapularını uşaklara açtı. Bu yortu Kongaz Süleyman Demirel Türk-Moldova teoretik lițeyindä dä bakıldı.
