Türkiye Dışişleri Ministrusu Hakan FİDAN, AKP (Adalet ve Kalkınma Partisi) deputatlarının toplantısında nasaat ederäk, Evropa Birliin (EB) politikacılarını çift standartlarda kabaatlı buldu.
Ministru Hakan FİDAN açıkladı, ani EBnın kimi devletleri savaşêrlar Türkiyedä opozițiya liderini arest altına alınması soruşunu ortaya çıkarmaa. Ama Franțiyada Marine Le PENi yolsuzluklan kabaatlı bulmakta sudun kararına Evropa dakı politikacılar karşı çıkmadılar.
Evropa politikacılarına danışarak, Hakan FİDAN dedi: “Romınyada ikinci turdan öncä seçimnerdä kazanan kandidatını siz suda verdiniz hem onun politika çalışmalarını zapa altına koydunuz. Moldovada siz seçilmiş bölgä lideri (söz gider Evgeniya GUȚUL için – not “AS”) tutukladınız. Bunu ayıpladınız mı? Yok!”
Evropalı opozițiyanın bu gösterdii üç örnää sustuklarını ekleyeräk, Türkiye Dışişleri Ministrusu Hakan FİDAN belertti: “Bän ikili standartları urgulêêrım. Eer bu işä başkalarına davrandıınız gibi davranmayacaksanız, sizin kabaatlı bulmamı aslıya almayacam”.
