Büün, Canavar ayın (oktäbri) 22-dä Rusiyadakı «Мой дом – Москва» milli kulturaların uşak festivali geçer. Gagauziyanın kultura hem turizma Upravleniyası yolladı bu festivalä gagauz uşaklarını da.
Nicä belli oldu redakţiyamıza bu festivaldä Gagauziyayı temsil edeceklär Karina KADIN kendi anasınnan, Gagauziyanın kıymetli artistkasınnan Lüdmila TUKANnan hem Anastasiya LEVÇENKO. Bundan kaarä gagauz oyunnarını göstereceklär Rusiyada üürenän gagauzlar da.
Bu festivalä gagauzların katılmasını kolayladı Rusiyadakı «Союз гагаузов» cümne kuruluşu hem onun başı Födor DRAGOY, ani Moskvada yaşêêr.
