Orak ayın (iyül) 22-dä Gagauziyada geçti 2021-ci yıldan adetä koyulan sıra – Gagauziya lițeylerini başaran en islää üürencileri ödüllemää. Bu sırada ödüllendi 44 vıpusknik, ani lițeydä üürenmäk zamanı 8, 9 hem 10 ballara üürendilär hem bakalavra ekzamennarında hiç bir “7” bal kabletmedilär. 34 üüredici dä diploma hem premiya kabletti.
Bu yıl Gagauziya lițeylerini başaran en islää üürencileri arasında 9 üürenci, angıların lițeycilik kursaların hem ekzamennarın ortalama balı 9-dan yukarı oldu, gümüş medalileri kabletti.
2023-2024 üürenmäk yılında lițey klaslarını başarannarın arasında gümüş medalileri kazandılar:
Diana MEŞA, Baş küüyü (Kirsovo) M. Tuzlov adına lițeyini başaran;
Alina KARAPİRÄ, Kazayak küüyün lițeyini başaran;
Darya GERASİMOVA, Komrat D. Karaçoban adına lițeyini başaran;
İrina KARA, Komrat N. Tretyakov adına lițeyini başaran;
Kirekiya STOYANIVA, Kongaz küüyün T. Zanet adına lițeyini başaran;
Viktor RUSSU, Avdarma küüyün D. Çelengir adına lițeyini başaran;
Svetlana JELEZOGLO, Çadır M. Guboglu adına lițeyini başaran;
Anastasiya VİNOKUROVA, Çadır M. Guboglu adına lițeyini başaran;
Aleksandra MOKAN, Kıpçak küüyün S. Baranovskiy adına lițeyini başaran.
Hepsi bu lițeyleri başarannara gümüş medali hem 15-şär bin ley verildi, analarına-bobalarına da Gagauziya Başkanın hem Halk Topluşun adından Şükür belgeleri verildi.
Hep bu sırada 2023-2024 üürenmäk yılında lițey klaslarını başaran başka üürencileri dä kutladılar.
