Gagauziya üüredicilik Upravleniyası açıkladı, ani Gagauziyada üüredicilik infrastrukturasını ilerletmää deyni, 2025-ci yılda üüredicilik kuruluşlarına yaklaşık 27 milion ley investițiya yapıldı.
Nicä açıkladı Gagauziya üüredicilik Upravleniyanın başı Natalya KRİSTEVA, bu paralar geldilär merkez hem erindeki bücettän, halklarası ortaklardan hem onnardan beslenän türlü programalardan.
Bu paraların en büük payı – 17 079 600 lei – geldi soțial uuru için yapılan maasuz transfertlardan. 5 872 900 ley geldi Gagauziyanın bücetından, angılsın içindä 588 200 ley soțial uuru için yapılan maasuz transfertlar. Moldova üüredicilik ministerliindän hem analar-bobalar asoțiațiyalardan – 2 948 400 ley yollanıldı. Sponsorlar verdilär 997 000 ley. Kalan para da halklarası ortaklardan hem onnardan beslenän türlü programalardan geldilär.
Bu paraların taa çoyu, eni tehnikaların (orgtehnika hem kompyutor malları, interaktiv taftalar, proektorlar, İP-kameralar, muzıka tertipleri hem maasuz laborotoriyalar) alınması hem üüredicilik proțesının enilenmesinä yolundı.
Paraların bir payınnan mebel, kufnelär için tehnika, kondiționerlar, sport inventarları hem başka lääzımnı mallar alındı.
14 851 600 ley yollanıldı dış remont işlerinä (örtülär) hem 4 606 300 verildi iç remont işlerinä (kufnelär, kapu-pençelerin diişilmesi, kazannıklar h.t.b.).
Halklarası ortaklardan hem onnardan beslenän türlü programalarlan 6 üüredicilik kuruluşunda 9 investițiya proektları başa çıkarıldı.
