Baba Marta ayın 24-dä, Moldova pravitelstvosunun teklifinä görä, Moldovada parlementı 72 oylan Moldovada 60 günä kadar energetika uurunda Üstolan Durumu kurmaa kararını aldı. Üstolan Durum Baba Marta ayın 25-dän başlêêr.
Bu karara görä, energetika uurunda Üstolan Durumu kurmanın sebebi – Rusiya Federațiyanın Ukraynanun infrastrukturasına atakalarıymış.
Bildiriler, ani Üstolan Durumu vereceymiş kolayını enrgetika sferasında duruma görä ilgili kuruluşlar arasında koordinațiyaylan hem hızlılıklan devletin energetika güvennii hem vatandaşların korunmasında lääzımnı işleri yapmaa.
Açıklanêr, ani Üstolan Durumu zamanında Moldova Pravitelstvosu tarafından kabledilän kararlar mutlak geçirli hepsi merkez hem bölgä kuvetlerin öndercilerinä, devlet kuruluşlarına, vatandaşlara hem Moldova Respublikasında bulunan yabancı vatandaşlar deyni.
Eridir urgulamaa, ani Üstolan Durumu zamanında bücettän paralar Moldova Pravitelstvosu tarafından hiç birinä sormadaan kolaylıklan harcanêr hem bunda kimsey ona esap sorulmaz.
