Çiçek ayın (aprel) 27-dä Gagauziya Halk Topluşun (GHT) XXXVI-cı toplantısında, deputatlar aldılar karara Gagauziyanın kuraklık kıyameti zonasına uuramasını bildirimää.
Toplantıda bildirildi, ani yaklaşık bir yıl Gagauziyada yaamur hem kaar olmadıı için, tarafımız kuraklık kıyametinä uuradı. Bu üzerä GHT deputatları kablettilär karar “Çiftçilik çorbacılıına kurak uuradıı için, Gagauziya Avtonom-teritorial Bölgesini tabiattan belalı zonası olarak bildirmää”.
GHT deputatları danıştılar Moldova Respublikasının Pravitelstvosuna “Gagauziya Avtonom-teritorial Bölgesini tabiattan belalı zonası olarak tanısınnar hem kabletsinnär”.
Bundan kaarä, Gagauziya Halk Topluşu danışacek Moldova Respublikasına, Türkiyeyä, Rusiyaya, Evropa Birlii donorlarına “Gagauziya Avtonom-teritorial Bölgesinä gumanitar yardımı versinnär deyni”.
