Büün bir Regional forumunnan, yortu olarak, Gagauziya kutlêêr 2014-cü yılın Küçük ayın 2-dä yapılan Konsultativ Referendumun Gününü.
2014-cü yılın Küçük ayın 2-dä olan konsultativ Referenduma iki soruş çıkarıldıydı:
1. Gagauziya halkın dış yolunu kendibaşına seçmä hakkın kalınmış statusu için.
2. Rusiya, Belorusiya hem Kazahstan arasında Tamojnä Birliinä girmää deyni soruşun incelemesi.
Referendum sonuçları böläydi:
– Gagauziya halkın dış yolunu kendibaşına seçmä hakkın kalınmış statusu için”– 98,8%;
– Rusiya, Belorusiya hem Kazahstan arasında Tamojnä Birliinä girmää deyni – 98,47%.
Gagauziyanın Merkez Seçim Komisiyası açıklamasına görä ozaman Referendumda pay aldı 70 bin 376 kişi –b u, ozaman Gagauziyada seçim hakkı olan insannarın 70,04%.
Not. Referendum için “Ana Sözü” gazetasının haberlerini burada bakın: http://anasozu.com/wp-content/uploads/2013/12/03-04_2014.pdf.
