Küçük ayın (fevral) 2-dä Gagauziyada 9-12 klaslarda üürencilerin hem Küçük ayın (fevral) 5-dä 3-4 klaslarda üürencilerin arasında üürenmäk predmetlerindä Regional Olimpiadaları geçti.
Küçük ayın (fevral) 2-dä 9-12 klaslardan 16 üürenci “Romın dili hem literaturası” (milli şkolalar) hem 72 üürenci “Biologiya” uurunda predmettä yarıştılar.
Küçük ayın (fevral) 5-dä sä 3-4 klaslardan 247 üürenci matematika, dünneyi bilmä, rus dili, ana dili (gagauz ya da bulgar), romın dili hem angliyca dili predmetlerdä kendi bilgilerini gösterdilär.
Olimpiadada enseyennerä I, II hem III gradta diploma verildi. Bundan kaarä para baaşışları da oldu: 1-ci er için – 800 ley, 2-ci er için – 500 ley, 3-cü er için – 300 ley. Erleri kazanan üürencilerin üüredicilerinä dä 400-zär ley baaşış verildi.
