prezidenturada_buluşma (1)_1

04.01.2025, tarafından yazılı , CÜMNE, POLİTİKA BÖLÜMÜ, 202 KERÄ BAKILMIŞ

Gagauziyanın ofițial kutlaması olmadı, ama cümnenin kimi kişilerinnän buluştular

2024-cü yılın Kırım ayın 23-dä Gagauziya (Gagauz Yeri) avtonomiyasının kurulmasının 30-cu yıldönümünü kutlanıldı. Bu önemni günnän Moldova öndercileri Gagauziyayı, sansın o hiç yokmuş gibi, ofițial olarak, kutlamadılar. Ama, Moldova prezidentlıın saytında bildiriyä görä, Moldova Prezidentı Maya SANDU, Moldova Parlamentın spikerı İgor GROSUylan hem Moldova premyer-ministrusu Dorin REÇEANnan barabar, 2024-cü yılın Kırım ayın 20-dä gagauz cümnesindän olan kimi kişilärlän görüşmüşlär.

2024-cü yılın Kırım ayın 21-dä Moldova Prezidentı Maya SANDU, kendi facebook sayfasında, bu buluşmanın özünü bölä açıkladı: “În preajma aniversării a 30 de ani ai autonomiei găgăuze, am discutat cu mai mulți membri ai comunității. Am vorbit despre cum putem proteja și promova limba, cultura și tradițiile găgăuze, dar și despre cât de importantă este limba română pentru o mai bună integrare, acces la informații și mai multe oportunități pentru toți cetățenii.

Moldova este casa noastră comună și doar împreună, prin dialog și efort comun, putem construi un viitor mai bun. Vom continua să investim în educație, sănătate și infrastructură în regiune, astfel încât fiecare cetățean, fiecare familie, să simtă schimbările în viața de zi cu zi.” (https://www.facebook.com/maia.sandu/?locale=ro_RO). (Okuycularımızın çoyu romın dilini bilmedikleri için, bu yazıyı gagauzçaya çevirdik: “gagauz avtonomiyasının 30-cu yıldönümünä karşı cümnenin çok kişilerinnän gürüştüm. Gagauz dilin, kulturasının, adetlerinin korunması hem ilerlenmesi için lafettik, hem da nekadar önemnidir romın dili taa islää integrațiya, habercilik kaynaklarına kauşmak hem hepsi vatandaşların taa çok kolaylıkları için.

Moldova – bizim ortak evimizdir hem sade  birliktä, dialog hem ortak çalışmalarlan taa islää bir gelecek düzäbiliriz. Herbir vatandaş, herbir aylä günnük yaşamasında diişiklikleri duysun deyni, ileri dooru da regionda üüredicilää, saalaa hem infrastrukturaya investițiya yapacez.”

Moldova prezidentlıın saytına görä “bu uurda Prezident urguladı gagauz cümnesinin kimi kişilerin katkılarını – kulrura insannarının, üüredicilerin, mediklerin, erindiki seçilennerin, jurnalistlerin hem iş adamnarının. Onnarın arasında – Mariya AKBAȘ, Lüdmila ANASTASOVA, Vera BALOVA, Stepan BULGAR, Pötr BUZACI, Elena KARAMİT, Konstantin KELEȘ, Ekaterina KOJOKAR, Tatyana DAMAȘKAN, Vitaliy GAİDARCI, Svetlana GENOVA, İgor GUSEİNOV, Ekaterina JEKOVA, Georgiy KALÇU, Güllü KARANFİL, Vasiliy NEİKOVÇEN, Svetlana MİRONOVA, Denis PINTEA, Polina PINTEA, Svetlana PEYKOVA, Petros ALBERTÄN, Mihail SİRKELİ, Ana STATOVA hem Mariya TANASOVİCİ.”

Bu sırada, neçin sä, açıklanmadılar prezidenturada bu buluşmada bulunan gagauz politikacıları Nikolay DUDOGLU hem Grigoriy KADIN, Çadır primarı Anatoliy TOPAL, Komrat primarı Sergey ANASTASOV, ekonomist Konstantin TAUŞANCI h.t.b.

Buluşmanın sonunda devletin başı tekrar açıkladı, ani “gagauz cümnesinin kişilerinnän birliktä işlemää hazır, ani gagauz avtonomiyasının temel uuru – gagauz dilin, kulturasının, adetlerinin korunması – başa çıkarılsın hem region ilerlemedä, başarılı annaşmada hem işbirliindä bütün Moldova Respublikası örnek olsun.

“Sıra geldi birliktä yapalım onu, ne son 30 yılda yapılmadı” – açıkladı Maya SANDU.

Bekim dä ölä, ama neçin bu Birlää buyur etmemää Gagauziya (Gagauz Yeri) avtonomiyasının haliz kuvetlerini – halk tarafından seçilän hem Sud tarafından tanınan Gagauziya Başkanını hem Gagauziya Halk Topluşunu.
prezidenturada_buluşma (2) prezidenturada_buluşma (3) prezidenturada_buluşma (4)

BİR CUVAP YAZIN