Bıldır Gagauziya kultura Upravleniyasının tarafından kurulan “İncäzanaat sızıntısı” adlı kulturalı kvest, bu yıl ikinci adımını yaptı. 2024-cü yılın Kırım ayın 10-da Gagauziyanın Regional resim Galereyasında geçän “İncäzanaat sızıntısı” kulturalı kvest, Gagauziya (Gagauz Yeri) avtonomiyası kurulmasının 30-cu yıldönümünä baaşlandı hem uşaklara gagauz kulturasını haşlamaa deyni yapıldı.
Nicä da bıldır, bu akıl hem akıllı kvesta Gagauziyanın üç resimcilik şkolasından – Çadırdan, Komrattan hem Valkaneştän uşaklar katıldılar. Bu yıl da herbir şkola ikişär komandaylan kvesta geldi: Çadır Dimitri ERBAKAN adına uşak resimcilik şkolası – “Art-Sila” hem “Mersiful”, Komrat Dimitri SAVASTİN adına uşak resimcilik şkolası – “Palitra” hem “Raduga” (“Gök kuşak”), Valkaneş uşak resimcilik şkolası – “Ştrihi vdohnoveniya” (“İhlam çizgileri”) hem “Kisty vremeni” (“Zaman çetkası”).
II-ci “İncäzanaat sızıntısı” kulturalı kvest 7 rauntluk bir kvest konkursu oldu: “Alfavit”, “Gagauziya”, “Emoțiyayi çerez țveta” (“Renk aşırı duygular”), “Narisuy İstoriyu” (“İstoriyayı resimnä”), “Risuem vmeste” (“Barabar resimneeriz”), “Bitva kapitanov” (“Kapitannarın düüşü”) hem “Gagauziya buduiçego” (“Gelecään Gagauziyası”).
Gösterilän başarılara görä, II-ci “İncäzanaat sızıntısı” kulturalı kvestında ensedi Çadırdan “Art-Sila” komandası, angısına Diploma hem bir statuetka baaşlandı. Kalan komandalara Diplomalar hem ödüllär verildi.