Moldovada eni bir süslemä adımı yapıldı – Moldova pravitelstvosu Gagauziya (Gagauz Yeri) Avtonom-teritorial Bölgesinin regional ilerlemäk Sovetini kurdu. Ama, bu işin aması var.
Aması sa o – Gagauziya (Gagauz Yeri) Avtonom-teritorial Bölgesinin regional ilerlemäk Sovetinin kurulmak toplantısına Gagauziyanın seçilän öndercilerini, bişeyä saymayıp, çaarmadılar. Taa da beter, bu toplantıya gelän Gagauziyanın Başkankasını içeri da almadılar.
Şindi dönelim bu Sovetin kurulmasına. O taa çok Gagauziyanın primariyalarının ilerlemesi Sovetinä benzeer, çünkü onun kurulmasında Çadır, Komrat hem Valkaneş primarları hem kimi primariyaların sovetnikleri pay aldılar hem başına da koyuldular Komrat kasabasının primarı Sergey ANASTASOV (Sovet başı), hem Valkaneş primarın yardımcısı Nikolay POSMAK (Sovet başın yardımcısı).
Ne demää, deyelevek bişey yok. İş belli.
Not. Pravitelstvonun açıklamasına görä 3 yılın içindä Gagauziyanın Çadır, Komrat hem Valkaneş dolaylarında regional hem erindeki (Evropalı Küüyü) proektlarına 190 milion ley (büünkü kursa görä yaklaşık 9 milion 845 bin evro) verilmiş.
Patretlär: facebook.com/SpinuAndreiMD
