recean_cadir (1)_1

05.07.2024, tarafından yazılı , CÜMNE, POLİTİKA BÖLÜMÜ, 350 KERÄ BAKILMIŞ

Dorin REÇAN Gagauziyanın devlet merkez kuvetlerindän kopan cümne serviçlerin hem erindeki kuvetlerin temsilcilerinnän buluştu

Moldova premyer-ministrusu Dorin REÇAN Orak ayın (iyül) 4-dä Gagauziyanın Çadır kasabasına gelip, orada Gagauziyanın devlet merkez kuvetlerindän kopan cümne serviçlerin hem erindeki kuvetlerin temsilcilerinnän buluştu, bildiriler Moldova pravitelstvosunun ofițial presa aşıklamasına.

Moldova premyer-ministrusu Dorin REÇAN buluşmada annattı, ani memeleketin enilenmesi proțesın hızlandırılması hem vatandaşların yaşama iileştirilmesi kolaylıı için herbir uurda

devlet kuvetlerin organnarın aktivleşmesi lääzım.

Nicä dä herkerä, Dorin REÇAN söledi, ani “Biz bilä lääzım Evropayı kendi evimizdä düzelim”. Onuştan, Moldova premyer-ministrusu teklif etti Gagauziya avtonomiyasının merkez kuvetlerindän kopma erindeki kuvetlär “Evropalı küüyü” Milli programasına katılsınnar.

Buluşmada bulunan birkaç kopma primar annatmışlar premyer-ministruya kendi problemaları için: yolların yapılması, su sistemaların enilenmesi, tıynakların bakılması hem Kultura evlerin remontları.

Dartışmalarda primariyada işleyennerin ödeklerinin kaldırılması hem üüsüz kalan uşaklara yardımı soruşları da ortaya atılmış.

Buluşmadan sora, Moldova premyer-ministrusu Dorin REÇAN hem onunnan bilä gelän insannar, Çadır kasabasının “Banzai” markası çekirdek, fıstık, er fıstıı, başka atıştırmalıkları hem kuru katıkları paketlemä hem da kuriçkaylan piçeni yapma fabrikasınnan tanışmıştılar.

Ayırıca, Canabileri Kazayk küüyün “Kazayak-Vin” şarap fabrikasına da bir vizit yaptılar.
recean_cadir (2)_1 recean_cadir (4)_1

Patretlär: Moldova pravitelstvosonun presa açıklamasından

BİR CUVAP YAZIN