gira_frangu (1)

04.07.2024, tarafından yazılı , CÜMNE, KİŞİLÄR, SPORT BÖLÜMÜ, 183 KERÄ BAKILMIŞ

Nikolay FRANGU gira sportunda dünneyin çift çempionu oldu

Polşanın Rzeszów kasabasında Kirez ayın 6-9 günnerindä geçän gira sportunda Dünnää çempionatında Moldova sportsmennarı aldılar 10 medali, angılarından 2 altın medaliyi, en gözäl sonuçları gösterip, kazandı Gagauziyanın Kırlannar küüyündän giracımız Nikolay FRANGU.

74 kilalık aarlık kategoriyasında bu çempionatta pay alan Nikolay FRANGU gira sportunda dünneyin çift çempionu oldu.

Birinci altın medaliyi Nikolay FRANGU aldı “uzun țiklada” – iki 24 kilalık girayı birdän kaldırarak, o becerdi onnarı 92 kerä kaldırmaa.

İkinci altın medaliyi Canabisi aldı “biatlonda” – ilkin iki 24 kilalık girayı 131 kerä itireräk kaldırdı, sora da bir 24 kilalık girayı 177 kerä kopardarak kaldırdı.

Gira sportunda Dünnää çempionatında, Moldova komandasından kaarä, pay aldılar sportsmennar taa 30 memlekettän.
gira_frangu (3) gira_frangu (4)

Patretlär: facebook.com/mec.gov.md

BİR CUVAP YAZIN