Orak ayın 2-dä Türkiyenin milli futbol takımı, şaşılacek bir matçta Avstriya futbolcularını 2:1 enseyip, futbolda 2024 Evropa Çempionatında ¼ finalına çıktı.
Germaniyanın Leypțig kasabasında geçän bu matçta, türk futbolcusu Merih DEMİRAL taa ilk minudun 57-ci sekundunda yaptı bir gol. Sora da hep o, 58-ci minutta, ikinci golu urdu. avstriyalı Mihaeli GREGORİÇ 66-ci minutta da Türkyeyä bir gol yaptı.
Matç – şaşılacek bir matçti. Ama en şaşılacek iş oldu, açan onun ek 4-cü minudunun sonunda Türkiyenin golkiperı Mert GÜNOK, tokatları kurtarıp, becerdi topu auta atmaa.
EURO-2024 ¼ finalında Türkiyenin milli futbol takımı Niderland komandasınnan Orak ayın (iyül) 6-dä Berlin kasabsında oynayacek.
