Transnistriya televideniyasına verilän intervyuda hem taa sora “Europa Libera” radiosuna da, Gagauziya Halk Topluşu Başı Dimitriy KONSTANTİNOV açıkladı, ani “gagauzlar var nicä Gagauz Respublikasına dönsünnär, çünkü insannar Gagauz Respublikasına dönmesini isteerlär”.
GHT Başı Dimitriy KONSTANTİNOV, soruşlara cuvap vereräk, urguladı “Biz göreriz, ani halk bunu isteer. Biz göreriz, ani [Moldova] Respublikası bizim zakonnarımıza biraz halak-bulak davranêr”.
Dimitriy KONSTANTİNOV söledi, ani Ceviz ayın (sentäbri) 9-da Komratta Gagauziyanın herbir uurda deputatların toplantısı olacek, da deputatların birazı var nicä bu ideyadan yanı olsunnar.
Not. 2023-cü yılın Harman ayın (avgust) 19-da Gagauziyada kutladılar Gagauz Halkın Üstolan Kongresindä tarafından 1990-cı yılın Harman ayın (avgust) 19-da kurulan Gagauz Respublikasının 33-cü yıldönümü.
