2023-cü yılın Harman ayın (avgust) 23-dä İndiyanın “Çandrayan-3” stanțiyasının konma modulü ayın üülen polüsuna yımışak bir konma yaptı. Bununnan İndiya ayda Rusiyanın yapamadıını yaptı.
İndiyanın kosmos aaraştırmaları kuruluşu (ISRO) açıkladı, ani İndiyanın “Çandrayan-3” stanțiyasının konma modulü aya konduu gibi, onun platformasından “Pragyan” adlı ay gezicisi ay üzerinä indi da ay orada gezindi.
İndiya oldu dördüncü devlet, angısı becerdi Erin sputrniinä kendisinin aparadını indirmää. “Pragyan” ay gezicisinin misiyası 14 gün sürtecek.
Eridir urgulamaa, ani, İndiyanın “Çandrayan-3” stanțiyasının konma modulü ayın üülen polüsuna yımışak bir kondurmasınnan, İndiya ayda Rusiyanın yapamadıını yaptı. Çünkü 2023-cü yılın Harman ayın (avgust) 19-da hep burayı yollanan Rusiyanın “Luna-25” stanțiyası aya düştü.
