2026-cı yılın Orak ayın (iyül) 3-dä GHTnın 18 deputatının oyunnan Gagauziya Halk Topluşun eni Başı seçilän Karbalı küüyündän deputat Valentin GAYDARCI Orak ayın (iyül) 6-da, Kişinevda bir pres-konferențiya yapıp, teklif etti mekez Komrat hem Kişinev arasında dialogu “pak yapraktan başlatmaa”.
GHTın eni Başı Valentin GAYDARCI kendisinin Gagauziyayı (Gagauz Yeri) avtonomiyasının kurtarması için çalışmasını başladı ondan, ani ofițial kiyatlarlan danıştı Moldova Prezidentı Maya SANDUya, Moldova Parlamentın spikerına İgor GROSUya hem Kişinevda olan 11 devletin büükelçiliklerinä (ABD, Büük Britaniya, Franțiya, Germaniya, Romıniya, Rusiya, Şvețiya, Türkiye, Ukrayna) hem halklararası misiyalarına (Moldovada EB delegațiyası Başına hem Moldovada OBSE misiyasının başına), neredä teklif etti Komrat hem Kişinev arasında dialogu “pak yapraktan başlatmaa”.
Hep bu danışmada GHTın eni Başı Valentin GAYDARCI teklif etti Orak ayın 7-dä olacek Moldova Konstituțiya Sudun Gagauziya (Gagauz Yeri) avtonomiyasınnan ilgili oturuşunu yapmamaa, ne verecek kolayını Komrat hem Kişinev sözleşmä masası dolayına otursunnar:
https://www.facebook.com/share/p/1YFe9pMDdA/
