Bu ay musulman dünnäsı bakêr onnara deyni Paskellä gibi büük olan Ramazan ayını da, insannık adetinä görä, musulmannar insannar arasında imeklärlän paylaşêrlar. Bu adet çerçevesindä Türk İşbirlii hem Koordinaţiya Agenstvosu Başkannıın (TİKA) hem Türkiyenin başka ofițial kuruluşların tarafından bütün dünneydä insannara Ramazan yardımnarı yapilêr.
Türk İşbirlii hem Koordinaţiya Agenstvosu Başkannıın (TİKA) Kişinev ofisi, ““Gönül Soframız” bereketli olsun!” sloganı altında, Moldova vatandaşlarına iyecek mallarınnan dolu 4 000 kutu paylaşılacek. Bu paylaşmak sırası Baba Marta ayın 10-da Gagauziyadan başladı. Ardından Kişinev hem Belț kasabalarında ilerleyecek.
Gagauziyada ““Gönül Soframız” bereketli olsun!” sırasında iyecek mallarınnan dolu 1 500 kutu paylaşıldı, angıları Çadır, Komrat hem Valkaneş rayonnarından yoksul hem zor durumda bulunan insannar arasında payedilecek.
Bu insannık sırasında pay aldılar Türkiye Kişinev Büükelçisi Uygar Mustafa SERTEL, Komrat Türkiye Respublikasının Başkonsulu Eda GÜÇ, TİKA Kişinev ofisin koordinatoru Murat ZELAN, angıları urguladılar, ani bölä sıraların uuru – bu dostluk baaların kaavilenmesi hem dostlarlan sofrayı paylaşmak.
Lääzım urgulamaa, ani bu iyecek mallarınnan dolu kutu paylaşmak sırası TİKA Kişinev ofisi hem Türkiyenin başka ofițial kuruluşların tarafından artık çok yıllar sıravardı Gagauziyada hem Moldovada yapılêr.
Patretlär: grt saytından
