Kirez ayın (iyün) 2-dä Moldovanın Soroka kasabasında geçti “Gümüş fanfara” yarışma festivali, neredä pay aldı 13 duhovoy orkestra bu kasabalardan: Şoldaneşti, Komrat, Soroca, Ştefan-Voda, Rezina, Hınceşti, Tarakliya, Falești, Sıngerei, Floreşti, Yaloveni, Drokiya hem Edineț.
“Gümüş fanfara” yarışma festivalindä orkestralar lääzımdı çalsınnar 2 moldovan halk melodiyası, 2 dä dünnää repertuarından hava.
Sorokada yarışma konkursunda pay alan Yuriy TARANENKO önderciliindä Gagauziya (Gagavuz Yeri) Başkannık duhovoy orkestrası burada 3-cü eri kazandı.
Eridir urgulamaa, ani “Gümüş fanfara” yarışma festivalini, Moldova kultura ministerliinnän hem Mal olmayan kultura varlıını korumak hem ilerletmäk Milli merkezinnän ortaklıkta, hazırladı Soroka rayonun kultura hem turizma bölümü.
