Hederlez ayın (may) 6-da gagauzlar bakêr Hederlez yortusunu, angısı “Canavar yortuları”nnan hem “Kasım” yortusunnan bilä, gagauzlarda sayılêr dedelerdän kalma en büük hem maanalı milli yortulardan birisi.
Belliki,Gagauziyada Hederlez yortusunu kutlamaları herbür küüdä hem kasabda olacek, ama en büük kutlamalar Çadır kasbasının “At-prolin” tamazlık at fermasının ipodromunda geçecek. Kutlama programasında var “Altın At” yarışmaları, konţert, sergilär hem sport yarışmaları.
Eski ikili kalendarä görä Hederlez yortusu yılın yaz zamanını açêr, Kasım yortusu sa kış zamanına yol verer.
Hederlez yortumuz kutluca olsun! Hepsimizä saalık Allaa versin, bereket hem uzun ömür!
