Cumaa avşamı, Baba Marta ayın 22-dä Moskvanın yakınnarında bulunan Krasnogorsk kasabasının “Krokus Siti Holl” (Crocus Sity Hall) konțert zalında olan teraktın kurbannar sayısı büüdü: 143 kişi ölü, 100-dän zeedä dä yaraı.
Açıklanan haberlerä görä bütün dünnedän devlet kuvetleri hem devlet başları bildirdilär “Krokus Siti Holl” konțert zalında teraktlan ilgili olan kendi acızgannıklarını: kimi doorudan Vladimir Putina, kimi Rusiya insannarına, kimi dä sevdiklerini kaybedän herkezinä.
Yabancı devletlerdän sıradan insannar da bir tarafta kalmadılar – Rusiya büükelçiliklerinä çiçek koyarak, kendi can sancılarını gösterdilär.
Örnek olarak, Moldovada taa Baba Marta ayın 23-dä sabaalendän Rusiya büükelçiliinä geldilär Gagauziyanın hem kimi politika partiyaların öndercileri, sıradan insannar. Onnar çiçekleri büükelçiliin aulun boyuna koydular.
Örnek olarak, Latviyada Rusiya büükelçiliinä çiçek koymaa insannarı brakmadılar, ama elçiliin karşısında yol koymaa izin verdilär.
