2020-ci yıın Canavar ayın (oktäbri) 21-dä, İtaliyanın başkasabasında Rimda yapılan kinofestivaldä oldu premyera “Françesko” dokumental kinoya, angısında Bütündünnää katoliklerin başı Rim Papası Franțisk açıkladı, ani o yanı olêr, ki erkek-erkek hem karı-karı aralarında aylä kurulsun.
“Gomoseksualların aylä kurmaa hakları var. Onnar Allahın uşakları. Bizä țivil ayleleri için zakonnar lääzım, deyni bu üzerä onnarın haklarını korumaa”, – dedi Franțisk, bildirer meduza.io.
Taa Buenos Aires arhiepiskopuykana, Franțisk arka olardı ondan, ani gey-aylelerinä alternativa olsunnar erkek-erkek hem karı-karı aralarında birliklär.
2020-ci yıın Ceviz ayında (sentäbri) bir intervyuda Franțisk dedi, ani islää imektän hem sekstan keyf “doorudan Allahtan çekiler”. O söledi, ani klisä tarafından türlü keyflerä maana bulmak – bu hristiannık moralin yannış annamasıydı.
Nicä görersiniz bu açıklamaların morali bir: iş bitti, maskalar düştü, nestelär açıldı – bununnan hristiannık moralin temeli artık çatladı.
Hepsi iküzlülär bir kıpımın içindä üzä çıktılar. Papanın bu açıklamasınnan büük tükürüklär mındarladı 1,2 miliard katoliklerin hem 1 miliard hakikat hristiannarı hem diil salt onnarı, ama hepsi insannarı, ani aylä kurulmasının temiz hem pak kurallarına uyardılar, inanardılar, ani, “erdä Allahın adamı” onnarı koruyêr. Allah adamı sa nestä çıktı. Pek aar bir aslılık hem pek yazık bir durum.
Фото: REUTERS/Tony Gentile
