Canavar ayın (oktäbri) 30-da saat 11:51-dä Türkiyedä olan er tepremesi bütün kuvetlän İzmir kasbasına hem onun dolay rayonnara urdu. Açıklanan haberlerä görä, er teprmesinin göbää bulundu İzmirdän 32 kilometra uzaklıkta Ege denizindä 16,5 kilometra derinniktä hem ilk sarsılaması 6,6 magnituda büüklüündäydi.
Er tepremesi beterinä İzmirdä 20 ev yıkıldı. Dolaydakı Bornova hem Bayraklı rayonnarında da yıkıntılar var. Er tepremesi ardına Ege denizindän kasabalara bir da țunami urdu.
Bu iki beladan insannara büük zararlar oldu – 24 insan öldü, 804 da yaralandı. İnsannarın çoyunu kırıntılar altlarından kurtardılar. Bu kurtarma işleri şindi da ilerleerlär.
Türkiyenin er tepremesi kontrol kuruluşu bildirdi, ani 6,6 magnituda büüklüündäydän er tepremesindän sora 4 magnituda büüklüünü geçän taa 277 sarsılama oldu.
Not. Bu er tepremesindän ölän hem yaralanan var Grețiyanın Samos adasında da.
