Kongaz küüyün Todur ZANET adına teoretik lițeyindä, Paskellä yortumuzlan ilgili olarak, geçti “İi saatta etişelim Paskellä yortusuna!” adlı urok.
“İi saatta etişelim Paskellä yortusuna!” uraa hazırladı hem birinci klaslardan uşaklarlan bilä geçirdi Todur ZANET adına teoretik lițeyin gagauz dilindä hem literaturasında üürediciyka Mariya İlyiniçna DUŞKOVA. Uraa katıldılar başka üüredicilär dä.
Bu şen hem meraklı urokta üürencilär, “Suvancık”, “Petruşka (Maydanoz otu)” hem “Boyacık” adlı grupalara bölünüp, yımırta boyamasında türlü uurda praktika işleri yaptılar.
Uşaklar büük havezlän hem meraklıklan boyadılar, resimnedilär hem mumnadılar süüş yımartaları, angılarına bundan sora vardı nicä demää “Paskellä yımırtaları”.
