İtaliyadan gelän Romıniyada 4 kişi hem Ukraynadan 1 kişi evlerinä koronavirus hastalıınnan döndülär.
Baba Marta ayın 3-dä Ukraynadan geldi haber, ani Çernovțı kasabasında bir adamın analizleri onda KOVID-19 hastalıın bulunmasını göstermiş. Şindi vraçlar bulmaa hepsini, kiminnän bu adam yolda buluşmuş.
Bildiriler, ani,o Romıniyaya eraplanna gelip,Bukureştän evinä kara yollan gelmiş.
Taa ileri Romıniyanın 4 vatandaşı da koronavirus salgınına ulaştı.
Var nicä urgulamaa, ani Moldovanın sınarlarına iki taraftan da KOVID-19 hastalıı yaklaşêr.
Moldovanın saalıı korumaa kuvetleri çalışêêrlar, ani bu hastalık Moldovanın içinä geçmesin.
Patret: РБК-УКРАḮНА
