Kolada_pazari_2

05.12.2016, tarafından yazılı , CÜMNE BÖLÜMÜ, 1595 KERÄ BAKILMIŞ

20-ci IWCM Kolada paneerın oldu

Kırım ayın (dekabri) 3-dä geçti Moldovanın Halklararası karı klubun (IWCM) 20-ci Kolada paneerı, angısında pay aldılar Moldovada bulunan büükelçiliklerin hem diplomatiya misiyaların temsilcileri.Kolada_pazari_3

IWCM 20-ci Kolada paneerında acızgannık baaşışları için en çok para toplandı Moldovada Türkiye Büükelçilii tarafından – 70 bin leydän zeedä. Bu para, başta Türkiye Kişinev Büükelçisi Hulusi KILIÇ hem Canabisinin eşi Günay KILIÇ olarak, Büükelçiliin hem TİKA zaametçilerinin hem da sponsorların yardımınnan toplandı. O günü Türkiye Büükelçilii satılaa çıkardıydı imäk hem içmäk işlerini (baklava, çay, kofe, döner, çorba, emiş, tatlılık) hem da başka malları, ölä nicä tekstil, kosmetika, ayak kapları hem başka.

Bundan kaarä Türkiye Büükelçilii lotoreya da yaptı. Lotoreyaya baaşış olarak koyuldular Türkiye Hava Yollarından hem Atlasjet Global tarafından ikişär Kişinev-İstanbul-Kişinev biletleri, Moldcell firmasından bir tablet, Leogrand Otelindän çift kişilik bir odada bir gecä konaklama hem ayırıca bir çiftä avşam imeeyi, Medpark Hastalar evindän 4 “check-up” talonu hem Türkiye Büükelçiliindän baaşış dolu 2 sepet, bildirer T.C. Kişinev Büükelçiliin saytı.
Kolada_pazari_

Paneerın kultura programasında pay aldı Kongaz Süleyman DEMİREL liţeyin folklor ansablisi da.

Not. IWCM 20-ci Kolada panneerda toplanan paraları karılar klubu, baaşış olarak, vereceklär hastalar hem kusurlular evlerinä hem başka hayırlı işlär için kullanaceklar.

BİR CUVAP YAZIN