Orak ayın son pazarı günü Gagauziyada baktılar ofițial olmayan Deniz Kuvetleri Gününü, angısının kutlaması çekiler taa Sovet Soțialist Respublikalar Birlii zamanından. Adetä görä, onu kutlêêrlar o insannar, kim Sovetlär Birliin vakıdında Deniz kuvetlerindä askerliini yaptılar – moräklar, starşinalar, miçmannar hem ofițerlar.
Gagauziyanın Kazayak küüyündän deniz kuvetlerin veterannarı bu yortuyu şannan geçirdilär. Giyinip gençliklerindän kalan denizçi telnäşkaları, morärk rubalarını hem bezkozırkalarını, güüslerinä znaçöklarını, medalilerini hem ordennarını takıp, alıp ellerinä Sovetlär Birliin Deniz kuvetlerin hem Gagauziyanın bayraklarını, veterannar küüyün merkezindä toplandılar. Orada küüyün primariyası hem küü Soveti hem da büüklär Soveti adından onnarı yortuylan kutladılar. Nedän sora asker pamätniinä çiçek koyuldu hem saygı duruşu yapıldı hem dä hepsinä birär eni telnäşka baaşlandı.
