Orak ayın 17-23 günnerindä Türkiyenin Yalova kasabasında geçti “28. Türk Boyları Kultura Şöleni”, neredä bütün türk dünnäsının 15-tän zeedä memleketindän, kendi boylarını hem soylarını temsil edän, kultura insannarı hem ansamblileri pay aldılar.
Gagauziyayı hem gagauz boyunu “28. Türk Boyları Kultura Şöleni”ndä temsil ettilär Komrat “Kadınca” hem “Bürüncük” ansamblileri, Kongaz “Cızdırık” ansamblisi hem da türkücü Pötr PETKOVİÇ.
Bundan kaarä, Şölendä pay alan Komrat Kultura Evi kurdu burada gagauzları annadan bir etnografiya, resim hem el işleri sergisi.
“Kadınca”, “Bürüncük” hem “Cızdırık” ansamblileri dä kendi gagauz oyunnarınnan büüledilär “28. Türk Boyları Kultura Şöleni”nä katılannarı hem onun süüredicilerini.
