Kirez ayın 7-9 günnerindä Komrat Devlet Universitetında geçti 1-ci Halklararası “Dostluk Köprüsü” Soțal Bilimnär Kongresi, angısı yapıldı Türk İşbirlii hem Koordinaţiya Agenstvosunun (TİKA) temel yardımınnan.
Nicä açıklandı, 1-ci Halklararası “Dostluk Köprüsü” Soțal Bilimnär Kongresi düzennendi Komrat Devlet Universitetın hem İstanbul Rumeli Universitetın işbirliindä hem ona temel yardımı yaptı Türk İşbirlii hem Koordinaţiya Agenstvosu (TİKA).
Kongresin açılış konuşmalarını yaptılar Komrat Devlet Universitetın rektoru Sergey ZAHARİYA, TİKA Kişinev ofisin Koordinatoru Tarık METE, İstanbul Rumeli Universitetın Rektoru Mustafa KARA, Türkiye Gagauziya Komrat Başkonsulu Adnan HAYAL.
1-ci Halklararası “Dostluk Köprüsü” Soțal Bilimnär Kongresindä pay aldılar Gagauziya hem Moldova bilim insannarından kaarä, Türkiyedän dä yaklaşık 50 bilim adamı.
