Kasım ayın 17-dä Komrat “Dimitriy Mavrodi” Teoretik Lițeyi Cümne Kuruluşu kutladı kurulmasının 55-ci yıldönümünü. Lițeyin yıldönümü programasında vardı sergilär, konțert hem kutlama sıraları.
Gözäl hazırlanmış “Dimitriy Mavrodi” teoretik lițeyin 55-ci yıldönümü kutlama sırasında pay aldılar bu kuruluşun üüredicileri hem üürencileri, o lițeyi başarannar, sıradan hem şannı musaafirlär. Bu gündä, lițeyä saygı göstereräk hem insannarı kutlamaa deyni, bu yortulu sıraya geldilär Gagauziyanın Başkankası Evgeniyä GUȚUL hem Gagauziya üüredicilik Upravleniyanın başı Natalya KRİSTEVA.
“Dimitriy Mavrodi” teoretik lițeyi kuruldu 1969-cu yılda Komrat kasabasının 6-cı şkolası olarak. Büünkü gündä bu lițeydä 400-dän zeedä üürenci var hem onnarı 26 pedagog üüreder.
