pedagogika_forumu (0)

10.12.2024, tarafından yazılı , BİLİM, BİLİM ÖMÜRÜ, CÜMNE BÖLÜMÜ, 262 KERÄ BAKILMIŞ

V-ci Halklararası pedagogika Forumu: diişmeklär zamanında üüredicilik için dialog

Kasım ayın 28-29 günnerindä Gagauziyanın baş kasabasında Komratta geçti V-ci Halklararası pedagogika Forumu, angısınıda pay aldılar12 devlettän ekspertlar hem pedagoglar. Forumun temel konusuydu – “Modern koşullarda üüredicilik sistemasının dinamikalı gelişimi: stimul edici bir üüredicilik ortamı”.

V-ci Halklararası pedagogika Forumun ilk günündä oldu plenar oturuşu, angısının özüydü – üürediciliin ilerlemesi vektoru. Forumun moderatoru oldu  Komrat devlet Universitetınndan Prof. Dr. Mariya YANİOGLU.

Forumun Plenar oturuşunda hepsi üüredicilerä hem katılannara kutlama sözünnän danıştıla  Gagauziyanın Başkankası Evgeniyä GUȚUL hem Gagauziya üüredicilik Upravleniyanın başı Natalya KRİSTEVA.

Bu oturuşta kendi nasaatlarınnan toplanan pedagoglara danıştılar ölä anılmış insannar, nicä Moldovanın “İon Kränga” adına pedagogika universitetın lektoru Tudor LAP, Moldovanın “İon Kränga” adına pedagogika universitettan Prof. Dr. Svetlana NASTAS, psiholog hem psihopedagog Prof. Dr. Emiliya LAPOŞİN hem başkaları.

V-ci Halklararası pedagogika Forumun çerçevesindä taa bir önemni adım atıldı: Gagauziya hem Moldova üüredicilik kuruluşları arasında işbirlii annaşmaları imzalandı. Annaşmalar verecek kolayını regionnar arası baaları kaavileştirmää, ortak proektları başa çıkarmaa, üüredicilär hem üürencilär arasında bilgilärlän hem marafetliklän paylaşmaa.

V-ci Halklararası pedagogika Forumun başarılmasının damgası oldu “İşbirlii hem fikir aacı”n donaklaması, nereyä Foruma katılannar astılar üürediciliin gelecää için kendi dileklerini hem tekliflerini.

Forumun ikinci günündä çalışmalar onlayn sekțiyalarda oldular.

V-ci Halklararası pedagogika Forumu hazırladı Gagauziya üüredicilik Upravleniyası, Komrat devlet Universitetınnan, Moldovanın “İon Kränga” adına pedagogika universitetınnan hem Gagauziya Bilim Merkezinnän ortaklıkta.

Bu yıl Forumda pay aldılar ABD, Bulgariya, Franțiya, Gagauziya, Germaniya, Kazahstan, Kitay, Moldova, Romıniya, Rusiya, Türkiye hem Ukrayna üüredicilik sistemalarının temsilcileri.
pedagogika_forumu (1) pedagogika_forumu (2) pedagogika_forumu (3) pedagogika_forumu (4) pedagogika_forumu (5) pedagogika_forumu (6) pedagogika_forumu (7) pedagogika_forumu (8) pedagogika_forumu (9) pedagogika_forumu (11)

BİR CUVAP YAZIN