Kasım ayın 7-dä Komrat “Gavril Gaydarcı” Teoretik Lițeyi Cümne Kuruluşu, büük yortulu sıraylan, kutladı kurulmasının 35-ci yıldönümünü. Yortulu sırada pay aldılar lițeyin üüredicileri hem üürencileri, lițeyi başarannar hem şannı musaafirlär.
Komrat “Gavril Gaydarcı” Teoretik Lițeyi Cümne Kuruluşun geçici direktoru Olga KARA hepsini zalında bulunannarı bu gözäl yıldönümünnän kutlamaktan sora, Canabisinin sözlerinä kendi nasaatlarınnan hem kutlamalarınnan katıldılar Gagauziya üüredicilik Upravleniyanın başı Natalya KRİSTEVA, Komrat rayon administrațiyanın predsedateli Vadim ÇEBAN, Komrat Devlet Universitetın rektoru Prof. Dr. Sergey ZAHARİYA hem başkaları.
Lițeyin 35-ci yıldönümü kutlaması ilerledi en islää üüredicileri hem kolektiv azalarını gramotalarlan ödüllemärklän, lițeyä baaşış vermelerinnän hem şenniklärlän.
