2024-cü yılın Kasım ayın 11-dä New York kasabasında oldu Birleşmiş Milletlär Kuruluşun (BMK) Baş Asambleyasının 79-cu oturumu, neredä Asambleyanın 3-cü Komitetında Rusiya Federațiyasının teklifinä görä “Națizmanın, neonațizmanın kahramannaştırılmasınnan hem başka türlü praktikalarlan, ani yol vererlär büünkü rasizma, soy diskriminațiyaları, ksenofobiya çeşitlerinnän hem onnarlan ilgili dayanamamazlıklarlan düüşmäk için” Rezolüțiyası kabledildi hem angısına Moldova, başka 53 devletlän bilä, karşı çıktı.
Nicä açıklandı Birleşmiş Milletlär Kuruluşu, Kasım ayın 11-dä Birleşmiş Milletlär Kuruluşun (BMK) Baş Asambleyasının 79-cu oturumun 3-cü Komitetında Rusiya Federațiyası tarafından ortaya koyulan “Națizmanın, neonațizmanın kahramannaştırılmasınnan hem başka türlü praktikalarlan, ani yol vererlär büünkü rasizma, soy diskriminațiyaları, ksenofobiya çeşitlerinnän hem onnarlan ilgili dayanamamazlıklarlan düüşmäk için” Rezolüțiyanın ortak avtorları 39 devlet olmuş: Azerbaycan, Aljir, Armeniya, Belarusiya, Boliviya, Burkina-Faso, Burundi, Ekvator Gvineyası, Eritriya, Efiopiya, Gvineya, Kazahstan, Kamboca, Kamerun, Kirgiziya, Kitay, Kongo, Kuba, Laos, Mali, Merkez Afrika Respublikası, Niger, Nigeriya, Nikaragua, Pakistan, Poyraz Koreya, Serbiya, Siriya, Sudan, Şri-Lanka, Tacikistan, Togo, Turkmenistan, Uganda, Uzbekistan, Üülen Afrika Respublikası, Venesuela, Vyetnam, Zimbabve.
Bu Rezolüțiya için 116 devlet oyunu verdi, 54-dü karşı oy verdi, 11-ri ikiliktä kaldılar.
Pek güç, ama “Națizmanın, neonațizmanın kahramannaştırılmasınnan hem başka türlü praktikalarlan, ani yol vererlär büünkü rasizma, soy diskriminațiyaları, ksenofobiya çeşitlerinnän hem onnarlan ilgili dayanamamazlıklarlan düüşmäk” Rezolüțiyana karşı, Amerika Birleşmiş Devletleri, Büük Britaniya, Franțiya, Germaniya, Kanada, Romaniya, Ukrayna gibi devletlerin arasında, Moldova Respublikası da oyunu verdi.
