Küçük ayın 25-dä Komrat gölünün tıynaanı su aldı, da su selleri Yalpug deresinin çayırına hem kasabanın kimi evlerä taştılar. Su altına kaldı 427 gektar toprak hem 9 evä zarar oldu.
Bildiriler, ani göldän 1 milion kubometradan zeedä su taştı. Bu sular Başalma, Kongaz hem Svetloe küülerinä dooru yollandılar.
Sulardan kaarä herersi balık oldu. İnsannar çuval dolusu onnarı topladılar, ama balıklarn çoyu çayırların bataklıı içindä kldı. Şindi, açan sıcaklarçekedecek, onnarın leşleri kokmaa başlayacek hem infekţiyalara sebep olacek.
Suların gitmesi uzak 1990-cu yılların izlerini ortaya çıkardı – su içindän 5 granata F-1 hem 2 granata RGD-5 çıktı. Yannarında zapalları hem avtomat magazinnarı da var.
“Bu silähları iki uşak buldu. Onnar haber verdilär bizä. Bi da çaardık Kaul kasabasından sapörları. Sapörlar da yok ettilär granataları”. – annattı Gagauziyanın Üstolan durumnarın baş upravleniyasının başı Vitaliy KISSA.
Göldä taa bir bela var – balıkçı kuşları büük balıkların gözlerini çıkarêrlar. Bunun sebepi o, ani göldä pek aaz su kaldı, da balıklar yok neredä saklansınnar.
