altin_çeşme (1)

06.06.2022, tarafından yazılı , ANSAMBLİLÄR, CÜMNE, KULTURA, KULTURA ÖMÜRÜ BÖLÜMÜ, 473 KERÄ BAKILMIŞ

Kongazın “Altın çöşmä” örnekli uşak oyun ansablisi 10 yaşında

Hederlez ayın (may) 29-da Kongazda kutladılar “Altın çöşmä” örnekli uşak oyun ansablisinin kurulmasının 10-u yıldönümünü.

“Altın çöşmä” örnekli ansablisinin diişilmäz öndercicinin Viktor GRADİNARın zaametinnän hem ansamblidä pay alannarın becerikliinnän, 2011-ci yılda kurulmasından büünkü günädän “Altın çöşmä” oldu anılmış hem temelinä oturulmuş bir kolektiv. Taa çoyu Todur ZANET lițeyin üürencilerindän oluşan bu ansamblidä 5-18 yaş arasında olan üzdän zeedä uşak gagauz oyunculuun kulturasında ustalıklarını incelettilär hem o ustalıklarını türlü memleketlerdä dä gösterdilär, ölä nicä Moldova, Türkiye, Ukrayina, Belarusiya, Grețiya.

“Altın çöşmä” örnekli ansamblisinin kalfalıını geçän uşakların en isleeleri büünkü gündä Gagauziyanın en anlmış “Düz Ava” ansamblisinin oyunculuk payının temeli durêrlar hem orada kendi talantlarınnan başarılı artistlär oldular.

“Altın çöşmä” örnekli uşak oyun ansablisinin 10-u yıldönümünü kurulma yortusu Kongaz küüyün Kultura evindä geçti, neredä ansambli gösterdi kendisinin en islää oyunnarını hem onnarı kutlamaa gelän insannara kendi baaşışlarını verdi. Kollektivin yortusunda kutlama sözünnän Kongaz primarı hem Gagauziya Başkankası da pay aldılar.

Kurlama yortusunun sonunda “Altın çöşmä” örnekli uşak oyun ansablisinä 10 kilallık bir tort baaşlandı.
altin_çeşme (2)
altin_çeşme (3)
altin_çeşme (4)

BİR CUVAP YAZIN