lep_kongaz (1)

03.04.2024, tarafından yazılı , CÜMNE, POLİTİKA BÖLÜMÜ, 127 KERÄ BAKILMIŞ

Kongazlılarlan buluşma olmadı, ama LÊPın açılışı yapıldı

Baba Marta ayın 29-da Moldova Prezidentı Maya SANDU Kongaz küüyündä pay aldı “Valkaneş-Kişinev” havadan geçän üüsek voltlu elektrika vermä liniyasının düzmesinin başlantı sırasında.

Bu açılış sırası için küüyä Maya SANDUnun gelmesini üürenän kongazlılar hem kaçak politikacının İlan ŞORun taraftarları, türlü lozunglar ellerindä tutarak (“Çemodan, vokzal, Romıniya!”, “Gagauziyadan ellerinizi çekin!” “Maya paramızı soyêr”), buluşmak için, bekledilär Canabisini Kongazın girişindä. Ama buluşmak olmadı, çünkü insannarlan buluşmaa istämeyän Maya SANDU kendi kortejınan, kır yollarına sapıp hem Kongazı dolaylayıp, LÊPın açılışı erinä kırdırmadan vardı.

“Valkaneş-Kişinev” havadan geçän üüsek voltlu elektrika vermä liniyasının düzmesinin başlantı sırasına start verip hem bir ekskovatorun beş kovluk kuyunun kazılmasını siiredip, Moldova Prezidentı Maya SANDU bu LÊPın önemni olduunu presaya açıkladı. Bundan kaarä, söleyeräk, ani “vatandaşlarlan diolaga hazır”, Canabisinnän Kongaz girişindä insannarlan buluşmamak sebepini dä presaya açıkladı: “o paraya satılan vatandaşlar, ani prestupniklär tayfaların günnük işlerinnän gelerlär”.

“Valkaneş-Kişinev” havadan geçän üüsek voltlu elektrika vermä liniyasının açılışında pay aldı Moldova energetka ministrusu Viktor PARLİKOV, angısı açıkladı, ani bu 158 kilometralık liniya Moldovanın 8 rayonundan geçecek hem 2025-ci yılda başarılacek. Canabisi bildirdi, ani şindilik Romıniyaylan hem Ukraynaylan 3 liniyanın kurulması işleri yapılêr: Belț-Suçava, Straşeni-Gutişan, Valkaneş-Arțiz.
lep_kongaz (2) lep_kongaz (3) lep_kongaz (4)

BİR CUVAP YAZIN