Küçük ayın (fevral) 22-dä Moldova Konstituțiya sudu karar aldı, ani şindilik “Gagauziyadan Ek paa vergisinin (EPV) kesmesinnän ilgil Moldovanın Vergi kodeksına yapılan diiştirmelerini, geçici olarak, durgutmaa”.
“Gagauziyadan Ek paa vergisinin (EPV) kesmesinnän ilgil Moldovanın Vergi kodeksına yapılan diiştirmelerin” ortadan kaldırılması hem onnarı Konstituțiyaya ters gidän olmalarınınan Gagauziyanın danışmasını artık bir aydan zeedä inceleer.
Küçük ayın (fevral) 22-deki toplantısında, hepsi tarafları sesleyip, Moldova Konstituțiya sudu açıkladı, ani alêr karar şindilik “Gagauziyadan Ek Paa Vergisinin (EPV) kesmesinnän ilgil Moldovanın Vergi kodeksına yapılan diiştirmelerini, geçici olarak, durgutmaa”.
Konstituțiya sudun bu uurda kesin kararı alınması Baba Marta ayın 5-dä beklener.
Bu arada Moldova Konstituțiya sudu yapısının önündä, dooruluu aaramaa deyni, Gagauziyadan üzlärcä insan toplandı. Onnara karşı, ilktän söțial aalarda, sora da karşılarına gelip, bir sürü kişi antigagauz lozunglarını yaydılar hem baardılar.
