Pay alıp “N4” televideniye kanalın “Puterea a Ratra” (“Dördüncü Kuvet”) programasında Konstituțiya sudun eski başı Dimitriy PULBERE açıkladı, ani sayêr ki, Maya SANDU tarafından başladan konstituțiyalı referendumun uuru – zakon dışında olan normalara görä Konstituțiya diiştirmeklerin shemalarını sel biçiminä sokmaa.
“Referendum olarsa – bu Konstituțiya için kuşkuluktur, – açıkladı Dimitriy PULBERE, – Çünkü referendumu başladannar, Evropa Birliinä azalıklan spekuläțiya yaparak, annatmêêrlar seçimcilerä onun özünü”.
Dimitriy PULBERE urguladı, ani “Konstituțiyayı hazırlanêrlar diiştirmää diil konstituțiyalı zakonnarlan, angılarına deyni lääzım 67 deputatın oyu, ama 51 oylan. Ne getirecek ona, ani PAS frakțiyasının 51 deputatın kayıllıınnan Temel zakonun payı olaceklar Evropa Birliin normaları, angıları için Moldovanın vatandaşları hiç bir kerä oy vermedilär hem onnarın maanalarından hiç habeleri da yok”.
Canabisi sayêr, ani hepsi bu oyunnarın sonucu olacek “Konstituțiyanın 2-ci statyasının, angısına görä “milli suverenitet halkındır” ortadan kaldırılması”.
Konstituțiya sudun eski başı Dimitriy PULBERE ekledi, ani Romıniya konstituțiya sudun azalarınnan baalarda bulunêr, da onnar ses birliinnän Moldovayı Evropa integrațiyasından vazgeçmesinä çaarêrlar, çünkü onun derin harçları EB fondlarına açıklık faydalarını aşêr.
