Moldovanın Merkez Seçim Komisiyasının kararına görä respublikadakı konstituțiyalı referendumunda 15 politika partiyası, bloku hem birlii pay asoțiațiyası pay ala bilir. Bunnarın sade ikisi referendumda Konstituțiyada Evropa Birliinä girmäklän ilgili diişikliklerä karşı.
Merkez Seçim Komisiyasının kararına görä Referendumda pay alaceklar:
1. Komunistlär partiyası, “YOK” opțiyasınnan;
2. “Dirilmäk” partiyası, “YOK” opțiyasınnan;
3. Esil ekologların partiyası, “DA” opțiyasın-nan;
4. “Moldovaya saygı gösterän” akıntısı, “DA” opțiyasınnan;
5. Evropa için liberalların hem demokratların alyansı, “DA” opțiyasınnan;
6. “Birlik hem bolluk için Koolițya”, “DA” opțiyasınnan;
7. “Birliktä” seçim bloku, “DA” opțiyasınnan;
8. “Çalışmak hem Birlik” partiyası, “DA” opți-yasınnan;
9. “Milli alternativa” akıntısı, “DA” opțiyasın-nan;
10. “Evdä demokratiya” partiyası, “DA” opți-yasınnan;
11. Romınnarın birleşmesi alyansı, “DA” opți-yasınnan;
12. “Biz” politika partiyası, “DA” opțiyasınnan;
13. “Evdä” milli birleşmä partiyası, “DA” opți-yasınnan;
14. Evropalı cümne-demokratiyalı partiyası, “DA” opțiyasınnan;
15. “Halkın istekleri” politika partiyası, “DA” opțiyasınnan.
Merkez Seçim Komisiyası bildirdi, ani bu listeyä girmeyän kuruluşlar referendum hakkında yok nicä hiç bir türlü agitațiya yapsınnar.
Canavar ayın (oktäbri) 20-dä Moldova prezidentı seçimnerinnän bilä olan respublikadakı konstituțiyalı referendumunda seçimcilär lääzım olacek “DA” ya da “YOK” desinnär bir soruşa: “Moldova Respublikasının Evropa Birliinä katılması uurunda Konstituțiyada diişikliklerini pay tutêrsınız mı?”
