Ceviz ayın (sentäbri) 21-dä Taraklı kasabasında geçti Moldovanın taekwondo düüşündä
III-cü çempionatı, angısında pay aldı 7 klubtan 150-dän zeedä taekwondocu.
Çempionata katılan Çadırdan, Kişinevdan, Straşenidän, Valkaneştän, Yalo-vendän 130-dan zeedä taekwondocu hem Taraklıdan 27 sportsmen, 20-dän 80-dä kg kadar 52 kategoriya aralıın-da en isleelerini gösterdilär. Bu kategoriyaların 30-zu – sparing, 22-si dä – tuli (formal kompleksı). Gagauziyanın Kiriyet küüyündän “OGUZ-KWON” taekvando klubun 15 kişilik komandası (trenerları – Mihail JELEZOGLU) bu çempionatta 4 – I-ci (altın medali), 12 – II-ci (gümüş medali) hem 4 – III-cü (bronza medali) er kazandılar.
Şindi “OGUZ-KWON” taekvando klubu Canavar ayında Kaul kasabasında olacek yarışmalara hazırlanêr.
