Baba Marta ayın 21-dä avşamneyin yapılan açıklamakta Moldovanın saalıı, işi hem cümneyi koruma ministrusu Viorika DUMBRAVÄNU bildirdi, ani Moldovada taa 14 kişi koronavirusa ulaşmış.
Bu 14 kişidän 11-ri – evdä ulaşannar, 3 – yabancılıktan gelennär.
Ulaşannarın arasında: 2 kişi Pridnestrovyedan, 2 kişi Ukrayna manastırına gidennerin arasından, 2 kişi da bir ölüyü geçirennerin arasından, neredä varmış Büük Britaniyadan gelän hasta bir kişi da.
Bölecä Baba Marta ayın 21-dä Moldovada KOVİD-19-za ulaşan hastaların sayısı 80-nä etişti.
Taa bir da alışan var – bu insan, angısında Moldovada en ilkin koronavirus hastalıını buldular
