Komrat Devlet Universitetın (KDU) Senato kararınnan gagauz cümne insanına Leonid DOBROVa “Doktor Honoris Causa” şannı adı hem Diploması verildi.
Çiçek ayın (aprel) 12-dä, maasuz yapılan toplantıda, KDUnun rektoru Zinaida ARİKOVA verdi Canabisinä “Doktor Honoris Causa” şannı adı Diplomasını.
Nicä açıkladı KDU rektoru “bu ad verildi Leonid DOBROVa o üzerä, ani o universitetın kurucusu deyni”.
Kutlama toplantısında pay aldılar hem söz tuttular Gagauz Respublikasının ilk hem tek perzidentı Stepan TOPAL, KDU ekonomika fakultetın dekanı Konstantin TAUŞANCI, Gagauziyanın şannı jurnalistı Anna HARLAMENKO, Gagauziya kultura hem turizma Upravleniyanın başı Vasilisa PETROVİÇ hem başkaları.
