Kirez ayın 25-dä Evropanın Lüksemburg kasabasında olacek Moldova-EB Halklararası konferențiyası, neredä Moldovanın Evropa Birliinä (EB) girmesinin kalupları incelenmää başlayacek.
Bundan 4 gün öncä, Kirez ayın 21-dä, Moldova Prezidentı Maya SANDU “Moldova Respublikasının Evropa Birliinä girmesi için görüşmeleri başlatmak için” Emiri imzaladı. O Emirä görä Moldovadan bu uurda baş görüşmeci evrointegrațiyada vițe-premyer Kristina GERASİMOVA koyuldu.
Hep o günü oldu Evropaya integrațiyada Milli komisiyanın toplantısı da, neredä görüşmelerin temeli esaba alındı.
Patretlär: presedinte.md
