2021-ci yılın Orak ayın (iyül) 11-dä olan Moldovada Parlamentına seçimnerindä elektoral eşiini geçäbildi 2 partiya hem 1 elektoral bloku: PAS (“Çalışmak hem Birlik” partiyası), “MRSP+MRKP” (soțialistlär + komunistlär) elektoral bloku hem “ŞOR” partiyası.
Moldova Seçim Komisiyasının bu sabaa saat 9:00 açıklamasına görä, bülütennerin 99,77% saydıktan sora țifralar bölä:
PAS (“Çalışmak hem Birlik” partiyası) – 52,69%;
“MRSP+MRKP” (soțialistlär + komunistlär) elektoral bloku – 27,26%;
“ŞOR” partiyası – 5,75%.
Onnara yakın, ama Parlamentın eşiini geçämeyän oldu “Renato Usatıy” elektoral bloku (4,10%,). Kalan 10% payedildi öbür 19 partiya hem bir baamsız kandidatın arasında.
Not. Moldova Seçim Komisiyası bildirdi, ani seçimnerdä pay aldı seçimcilerin 48,2%. En pasiv oldu Gagauziya – burada seçimcilerin 36,8% seçim sandıklarına geldilär.
