Büük ayın 9-dä Moldovanın Baş prokuraturası Gagauziyada Küçük ayın 2-dä Referendum yapmak uurunda “kendi keefinä görä” işlär için ceza işlemesi (ugolovnoe delo) açtı.
Prokurorlar sayêrlar ani, Gagauziya Halk Topluşu 2013-cü yılın Kasım ayın 27-dä alarkana Karar “Gagauziya halkın dış yolunu kendibaşına seçmä hakkın kalınmış statusu için” hem Tamojnä Birliinä girmää “Gagauziyada konsultatif Referendumu yapmak için” en aazdan “Moldovanın Konstituţiyasının, seçim hem başka zakonnarın statyalarına” ters gitti. Bu üzerä da Baş prokuratura Moldova Respublikasının Ceza Kodeksının 352-ci statysının 3-cü payına görä “Kendi keefinä görä” iş için ceza işlemesi (ugolovnoe delo) açtı. Moldova zakonnarına görä bu iş için kabaatlıları var nicä 5-8 yıla kapana kapasınnar.
İncelemeleri hem soruşturmaları yapmaa deyni bu ceza işlemesi (ugolovnoe delo) Moldovanın içişleri ministerstvosuna verildi.
